ԿՈԿՈՐԴԵԼՈՍ ԿՈԿՈՐԴԵՂՈՍ ԿՈԿՈՐԴԻԼ եւ ԿՈԿՈՐԴԻԼՈՍ ԿՈԿՈՐԴԻՂՈՍ որ եւ ԿՐՈԿՈԴԻՂՈՍ. Բառ յն. գրօգօ՛տիլօս. κροκόδειλος crocodilus Տիտեռն. վիշապ երկոտանի՝ երկակենցաղ, մողեսաձեւ՝ ահագին մեծութեամբ, մեծաբերան, այլ նեղ կոկորդաւ, բազմաժանի, եւ կարծրամորթ. լինի ի մեծամեծ գետս ջերմին գաւառաց։ Յոնք ստուգաբանեն, խորշօղ ի քրքմանէ. զի չախորժէ ասեն զհոտ նորա. ... cf. ՏՀԱՆԳ։
Ի հնդիկս կոկորդիլ գազան։ Ի նեղոս՝ կոկորդիլոս գազան. (Խոր. աշխարհ.։)
Առաւել զանցուցանելով զառիւծուք եւ զկոկորդիլոսիւք. (Փիլ. ՟ժ. բան.։)
Ի կոկորդիղոս գազանէ սատակեցաւ. (Եւս. քր. ՟Ա։)
Եգիպտացիք զճանճ եւ զմժեխ եւ զկրոկոդիլոս եւ զկուզ եւ զմուկն պաշտեցին. (Լմբ. իմ.։)
Կոկորդիլոս գազան գոլով ... ի ննջելն բանի բերանն, եւ ի մնացուածոյ յատամունսն մսոյն կերակրի. (Լմբ. սղ.։)
Գազանք ջրոցն, զոր եգիպտացիքն կոչէին եփովթ, եւ աւեղացիքն կոկորդեղոս անուանէին։ Սատակեցան կոկորդեղոքին. (Հ=Յ. մայ. ՟Ա.։)
Եկեալ կոկորդեղոսն անցոյց զնա յայնկոյս գետոյն. (Վրք. հց. ձ։)
Ի բառս Գաղիան. եւ ի գիրս Վստկ. Կոկորդիլոս կոչի եւ մեծ մողէզն, որ եւ ԿՈՎԱԾՈՒԾ։